खेडशी ग्रामपंचायत ही नागरिकांच्या सर्वांगीण विकासासाठी कार्यरत आहे. गावात आवश्यक सर्व पायाभूत सुविधा उपलब्ध असून नागरिकांना मूलभूत सेवा सुलभपणे मिळतात.
ग्रामपंचायतीची स्वतंत्र सुसज्ज इमारत असून प्रशासकीय कामकाज व्यवस्थितरीत्या पार पाडले जाते. गावात नळयोजना अंतर्गत वैयक्तिक पाणी कनेक्शन देण्यात आले आहेत. घंटा गाडीमार्फत घनकचरा संकलन केले जाते व स्वच्छतेची चांगली व्यवस्था आहे.
गावातील रस्ते पक्क्या स्वरूपाचे आहेत आणि सर्व वाड्यांमध्ये पथदिव्यांची सुविधा उपलब्ध आहे. गावात ५ शाळा, ६ अंगणवाड्या, वाचनालय, खेळाचे मैदान, तसेच बसथांबे आणि संपर्क सुविधा उत्तम प्रकारे उपलब्ध आहेत.
नागरिकांच्या आरोग्यासाठी नियमित आरोग्य शिबिरे व लसीकरण मोहिमा राबविण्यात येतात.
